هاتوا القلم

واكتبوا قصة حياتي

واللي شفته من الزمن

واملوا السطور

وهاتوا بدل الحبر الدمع

أنا دمعي يملأ 100 قلم

عدوا القلوب المجروحين

أنا قدهم يجي مرتين

وخلو عنوان الكتاب

صرخة وجع قلبي اندفن

قلبي اندفن

اللي فتحتله بيتي وخاني

كنت بأمنه وخيِّب ظني

اديته سري اتكلم عني

ومسترنيش

واللي اديته انا كل سنيني

سرق الكحل ياناس من عيني

كان بيدور ليه يعميني

ومرحمنيش

ناس من دمي وفصلو كسوه

لونها كان اسود كلها قسوه

كنت بقول دول ضهر وعزوة

ومنصفونيش

اللي عملت بأصلي معاهم

عضوا ايدي اللي كانت شايلاهم

ومشوفتش غير بس اذاهم

مفرحونيش

انا اتاذيت

من القريب قبل الغريب

واللي شوفته مايتحكيش

والعرافين احتاروا فيا

وقالو صعب في فرحة اعيش

انا اتعملي 100 عمل

ومفيش علاج ولا فيه امل

واللي انا اتحملته يابا

دا كان يوقّع 100 جبل

اسند ضهرك واقعد اتفرج

اوعى تصدق اللي اتقلك

مش هتلاقي حد يصون سرك

لأ مفيش

امشي يا قلبي دي ناس بيغلوا

تيجي توفلهم هما يقلوا

وانت اديتهم عمرك كله

ومدتنيش

كتَّر خير الشده عشان

بتبين مين الشمتان

واللي اخسرني أكيد خسران

وما يلزمنيش

يا ابو السيد الناس شهدالك

ان انت اللي تريند مجالك

بالاخصام مش شاغل بالك

لو كانو جيش