Nan den baok duduak bapikia
Lah den tungkuik den tilantangkan
Raso ka kanai ganjua suruik
Raso tabedo den baralah
Lah den baok bapikia panjang
Nak jan tajadi patangkaran
Nak jan tajadi patangkaran
Adiak sangko denai karambia
Baru badabuak dari tandan
Bagageh adiak nak manyambuik
Bagendong naiak kateh rumah
Denai sangko ka lalok sanang
Kiro nyo pangua manantikan
Kiro nyo pangua manantikan
Nan den balah balah lah rotan
Lah den balah pilin sakali
Ka den ambiak pambaluik tunggal
Ka tunggak tuo rumah gadang
Nan di ateh baukia rancak
Baukia bungo cimpagoan
Baukia bungo cimpagoan
Kalau dikana untuang badan
Nan sarupo ayam nagari
Katiko talua lai banyak
Awak manjo di induak samang
Talua abih bulu mangurak
Karanjang siap manantikan
Karanjang siap manantikan
Malang nasib nyo jari manih
Tiok bacincin lapang juo
Tiok dicubo tiok lungga
Yo kama lah ka disorongkan
Mungkin sajo ka induak kaki
Pado dipandang-pandang sajo
Pado dipandang-pandang sajo
Nasib badan musim bak kini
Nan bak kusuik sarang tampuo
Indak tantu ujuang jo pangka
Kok tak bisa disalasaikan
Lah mungkin api manyudahi
Nak sanang bana kiro-kiro
Nak sanang bana kiro-kiro
