تم الرفع بواسطة
⁽﮼خوويلد˛ ɪиɢ
-
يالغايب اللي غابت ايامي معاك
يا جعل ما جاني من الفرقا يجيك
استغفر الله ! جعل ماجاني فداك
حتى لو ان نهايتي .. على يدييك!
⁽﮼خوويلد˛ ɪиɢ
مسامحك .. واللي بقوله في قفاك
خيرك كثير .. ويرحم الله والديك
ماصار شي ابلا رضاي الا رضاك
اللي ماهو فيني وابيه القاه فيك!
⁽﮼خوويلد˛ ɪиɢ
كنت السما في عيني وعيني سماك
كانت حياتي كلها منك واليك
كنت بيديني مير مدري من خذاك
حسبي على تقصيري وحسبي عليك
⁽﮼خوويلد˛ ɪиɢ
علمتني.. وش الحياه من الهلاك
في موادعك هذا وفي جيّتك ذيك
ياكيف ابلقى شخص يسواني سواك
كل مانويت انهيك في شخص ابتديك!
⁽﮼خوويلد˛ ɪиɢ
أبدى أقارن مستواه بمستواك
واخاف لاتزعل وابيعه واشتريك
والمشكله : رغم محبتك وغلاك
واني رغم كل شيّ مشتاق وابيك
⁽﮼خوويلد˛ ɪиɢ
ما هوب من حقي يضايقني جفاك
ولااعشقك ولاالمحك ولااحتريك!
لكن ما يخفاني ولا اظن يخفاك
حقي عليك .. انّك تطمنّي عليك
-
تم الرفع بواسطة
⁽﮼خوويلد˛ ɪиɢ
شخصيات راقيه
148602
