هل فيه طريقة للرجوع للحياة
بعد الحقيقة وبعد اللي شوفناه
بعد انعدام الانسانية
والرجوع للجاهلية
والمشاهد المأساوية
وكل اللي عيشناه
هل فية طريقة نبتسم ونعيش
والناس هناك يومهم ميعديش
مع اننا نفس القضية
كلنا نفس الضحية
الفرق بينا خطوتين
يعني المسافة، مفيش
بعد استماع صوت الآهات عالتليفونات
رؤيا الوشوش المقهورين جوه الشاشات
بعد ما عرفنا الالم وعيونا بطلت تنام
وحضرنا قَتل الأُمنيات
وشوفنا ناس بِقلوب حَجر
عُمي النَظر إخترعوا أسباب للسكات
ما يهمهومش لا صوت صريخ ولا صوت عِياط
ويهمهم صوت ضحكهم، وقت الحداد
هل فيه طريقة للرجوع للحياة
بعد سمع بُكا البنات عالأمهات
وجع الأم وحزنها
خوفها وكسرة قلبها
قلة حيلتها وضعفها
وأملها تحصل معجزات
هل فية طريقة نبتسم ونعيش
والناس هناك يومهم ميعديش
مع اننا نفس القضية
كلنا نفس الضحية
الفرق بينا خطوتين
يعني المسافة، مفيش
بس احنا برضه مؤمنين بالله
مين يهزم اللي ربه واقف معاه
هنشوف على وشوشهم في يوم
نفس الألم نفس الوجع
والكسرة والخوف والهموم
الفرق بينا اننا مِسلمين لربنا
ووعده لينا اننا هنقوم
الفرق بينا اننا مِسلمين لربنا
ووعده لينا اننا هنقوم
هل فيه طريقة للرجوع للحياة
بعد الحقيقة وبعد اللي شوفناه
بعد انعدام الانسانية
والرجوع للجاهلية
والمشاهد المأساوية
وكل اللي عيشناه
