تولعت بك والله كتب لي على فرقـاك
حسبي على الحظ الردي كانه أشقاني
تولعت بك والله كتب لي على فرقـاك
حسبي على الحظ الردي كانه أشقاني
أنا ما شعرت أني مع الناس قبل ألقاك
ولا ذقـت للدنيـا طعـم قبـل تلقانـي
ولا كنت أحس بلوعة الحب قبل أهواك
ولولا عيونك ما كتبت أجمل ألحانـي
سقا الله ليالي خالده عشتهـا ويـاك
درب الحويه بين عشـب وغدرانـي
تذكرت يوم أقبلت كنك تحسب خطـاك
تمايل بعـود نايـف الطـول ريانـي
وترفع طرف ملبوسك الضيق بيمنـاك
وشلال شعرك تنثره فـوق الامتانـي
ترى اللي يسليني عن مشاهدك ذكراك
أنا مستحيل أنساك أخاف إنت تنساني
تولعت بك والله كتب لي على فرقـاك
حسبي على الحظ الردي كانه أشقاني
تولعت بك والله كتب لي على فرقـاك
حسبي على الحظ الردي كانه أشقاني
