(موسيقى)
دار الدوري عالداير يا ست الدار
و حامل هالقصة و داير داير من دار
(الكورس)
طاير من فوق سهيلي رف حساسين
يرفرف من ميلي لميلي نأود ياسمين
(الكورس)
طل الليل و يا ويلي شاف الحلوين
صار الليل بهاليلي يعشق و يغار
(الكورس)
قلبي صاير مجنونك ناطر عالعين
لا تقسي عليي ظنونك مالي قلبين
(الكورس)
يا حلوي يللي بصونك بريف العين
إن ضحكوا بهالليل عيونك بيصير نهار
(الكورس)
وصيتلك تقطفلي أول عنقود
إسود الكرم و موصوفلي عناقيد السود
(الكورس)
خدني و طير بشي غفله و الدنيي برود
خليني بقلبك طفلي و خلينا زغار
(الكورس)
يا فراشة هاك الجيري خصرك ممشوق
بقرب صوبك بتطيري و شم و لا تدوق
(الكورس)
لا تلوميني عالغيري و تقولي روق
ما في عاشق يا زغيري عقلاتو كبار
(الكورس)
