لاكيتها كيمر عرب وجنتها
وبخدودها مثل التمر شامتها
محتارة جانت تاكل بشفتها
وعيوني تاكل بيها صارت صلفة
لا والبياض البيها حيل احنين
حتى الشرايين البديها تبين
ملمسها مثل الماي كلش لين
مرات احسها تموع كدما ترفة
يا ربي سويني ولو معضدها
سويني طالب بالقسم ساعتها
خالقها جنها تكول مصنع جكليت
من السما وحلقوم تارس خدها
لمن اتغزل بيها من حقها تفز
صوتي الخشن يم الترافة ينشز
مثل المراهق هيج ضليت اغمز
واتحارشت بخدودها بلا عرفة
دارت وجهه وكامت تباوعلي
كالتلي واهلك واني سبيت اهلي
حسيت عندي جناح من ضحكتلي
وبس ضحكت اني تخيلت بالزفة
واتخيلت نطلع سوى يومية
ومن نسهر وتكعد على رجلية
ويا بوية اذا بردت بحضني شوية
كلي انكلب بركان خاطر تدفة
وعيوني تاكل بيها صارت صلفة
