Allahu Allah Allahu Rabbon
Rahmat Neu Peutroen Keu Kamoe Dum Na
Di Dalam Seu Prang Kamoe Peuteun Droe
Bak Bela Nanggroe Mita Mulia
Meukri Keu Naseb Kamoe Peujuang
Susah Ngoen Seunang Saban Meurasa
Keu Buboeng Langet Keu Binteh Rimba
Keu Tika Tanoeh Keu Rumoh Donya
Tuboeh Ujeun Rah Mata Uroe Thoet
Angen Peu Bapoet Kamoe Lam Rimba
Meujan Kadang Deuk Meu Uroe-Uroe
Meukulam Busoe Lam Rimba Raya
Kamoe Tem Mate Meu Them Susah Droe
Koen Keuh Keu Kamoe Nyang Tueng Bahgia
Tapi Keu Bangsa Aceh Lhe Sagoe
Ateuh Bumoe Droe Kasep Ji Hina
Ie Krueng Jeurneh Ji Le Lam Nanggroe
Keu Ie Di Kamoe Wate Uroe Ka
Gunoeng Yang Manyang Yang Na Lam Naggroe
Keu Seu Prang Kamo Peu Bibeuh Bangsa
Oh Malam Jula Angen Pih Jipoet
Ie Mata Kamoe Roet Ingat Keu Bangsa
Kadang Teu Ingat Roeh Meucemaroet
Keu Ie Hana Goet Seupah Taeun Ba
Meunan Keuh Naseb Kamoe Peujuang
Bangsa Loen Sayang Peuyum Le Gata
Yang Kamoe Lake Dame Peutimang
Bungkoeh Lam Reugam Bek Salah Buka
