يا حسراه عليك يا الدنيا
فيك حكاية وحكايات
ساميني وقعدي حدايا واحكيهم لي بثبات
علاش هكذا حاقدة وسمية
ظلي تبدلي في الصفات
تعذبي فيا غير بشوية عييت من عذابك براكات
تلعبي بيا والا معايا
جاوبيني علاش هاذ السكات
قالوا لي عليك مسرحية وانا
المسرح سكن لي في الذات
التذكيرة خلصتها غالية ديت معايا شي وردات
دخلت للقاعة صفقوا علي
طلع ستار والضو طفات
لقيت روحي في تمثيلية
والديكور خوف ودموعات
طمعتيني ودرتي علي عندي جدي بصح مات
يا حسراه عليك يا الدنيا
فيك حكاية وحكايات
ساميني وقعدي حدايا واحكيهم لي بثبات
علاش هكذا حاقدة وسمية
ظلي تبدلي في الصفات
تعذبي فيا غير بشوية عييت من عذابك براكات
شحال من سلطان كان في
دنيا جيوش لامرو طيعات
مال وعز قصور وسرايا يعسو عليه بالالوفات
غفل غفلة تقلبت الحية
فليلتو مالقى وين يبات
وكلتي فلان عسل وفاكية
وفلان شمختي لو الفتات
فلان قلعتي لو الذرية
وحياتو من الفرحة خوات
فلان طلق مرتو المسكية
زعف كي جابت لو البنات
يا حسراه عليك يا الدنيا
فيك حكاية وحكايات
ساميني وقعدي حدايا واحكيهم لي بثبات
علاش هكذا حاقدة وسمية
ظلي تبدلي في الصفات
تعذبي فيا غير بشوية عييت من عذابك براكات
