'Ohai ali'i Kaluhea

Sweet lei hiwahiwa mai nā lani

He nohea 'oe e ku'u makamae

Lei aloha, lei kula a nā ali'i

Hiehie ku'u pua onaona

Kupuohi i ka malu oke ko'olau

'O ka'u no ia e pulama nei

Ka'ano'i a ku'u pu'uwai

I wili 'ia me ka 'ohai 'ula (me ka 'ohai mele)

Ulana ke aloha i lei wili pāpahi

Pua lahilahi, e maliu mai 'oe

He li'a ko'u iā 'oe, a mau loa ē

Puana ku'u mele me ke aloha

Lei aloha, lei kula a nā ali'i

I wili 'ia me ka 'ohai 'ula (me ka 'ohai mele)

Ulana ke aloha i lei wili pāpahi

Pua lahilahi, e maliu mai 'oe

He li'a ko'u iā 'oe, a mau loa ē

Puana ku'u mele me ke aloha

Lei aloha, lei kula a nā ali'i

'E 'ohai ali'i Kaluhea