بشويش يا ام العيون النظره قتاله
طال انتظاري وصبري للقاء طالي
خلي صويب الهوى يا بنت في حاله
سهام عينك رمتني وارحمي حالي
الروح لك يا الغلا شفقه ومياله
غالي يا كل الغلا وارحمني يا غالي
يا جوز يا لوز والخوخ الصدر شاله
يا عود موزن ليا هب الهوا مالي
عاشقك ما مر يوم وغبت عن باله
لا والله انت الوحيد اللي على بالي
بغيابك اشصار يا اللي غاب مرساله
معقول الى الحين ما قد جاك مرسالي
جمالك اللي ما حد فوق الوطى طاله
ما كنك الا القمر في برجه العالي
وخصرك يا ويلي يا خصرك قصه لحاله
وصفه عليه القصايد مالها والي
وين انت ياللي يفرّح قلبي قباله
واغني من الفرح لا شفته قبالي
الصد والهجر فال الله ولا فاله
اناظر الساعه وعيني لجوالي
يا ليتني خاتمه عطره وسلساله
وابقى معه دايم ابقى له ويبقى لي
قلبي ليا غبت عني ويش يبقى له
غير العنى والشقى والهم عزالي
