درت كلها بحبنا من حبينا
مابقى واحد ما حجة بطارينا
تكلي انسى واصدقاء خلينا
على بختك شمتتهم بينه
ماتكلي شلون نرجع اصدقاء؟!
يعني شنسوي اذا تلاكينا
شلونك شلون الاهل؟ والله اني زين
وانتو هم شلون صحتك ؟ زينه
صعبة واحد يكدر يرد السلام
والدمع حاجز مكان بعينه
ونسرح بنظراتنا ويصحى الشعور
يا ترى ليا موقف يودينا؟!
للتفاصيل البسيطة البيها روح
والكعدة والضحكة ودرب الماشينه
وكافي تتهرب حب وكبرياء
والقصايد كلها ذيج الزينة
وكتلك انشيب سوى وكبلك اموت
كتلي كافي اسم الله لتبجينا
جنا كد ما نعشك سوى نسوي الرهان
منو يحب الثاني اكثر بينا
ومن اكولك اني لا اني تصيح
ابو الاني شوية لا ترمينا
الحب فعل مو ثرثرة وكثرة كلام
ليش نحلف جذب شموازينا ؟
جاي تطعني بعذر نبقى اصدقاء
والله عيب وفشلة من ماضينا
