شجاك تغيرت وبگلبك انته شصــــار؟؟
جنت تموت بية وجنت تعشكني
وجنت اتنفسك وانته الهـــــوه بدنياي
وجنت لو تبتعد لحظــــات .. تخنكني
معقولة الورد ينكر جمــــــــيل الماي؟؟
وانت بهالسهولة تنازلـــــــــت عني؟؟
ما أنكر مقصر إجت فـــــــــــــترة وياك
لكن مو بدية الوكت يجبرنــــــــــــــي
شفت يمك نفط وبين ايدك الماي
وانه بنار احتركَـ ردتك تخلصني
لكَيتك بالعكس مايك شمرته بعيد
وجبت النفط بيدك حتى تحركَني
شسولفلك بعد؟ طعم السوالف راح
ردت منك توافي وخيبت ضنــــــــــي
بس قبل لا تبتعد عندي سؤال ارجوك
وفكر ويه روحك تالي جاوبني
باجر لو متت وتشوفني بتابوت
هم تبجي عليه وبعد تذكرني؟؟
