به زمستون و سرما یاد مرغزارونم

نیرسه به گوش مو بنگ کوگ و سارونم

خسته ی زمستونم مندیر بهارونم

هرس نمند به تیام چی اوربی بارونم

ای نسیم بهاری بیو برس به امدادم

تا به ای ولات تنگ برسی به فریادم

زیر برف و بارونم مندیر بهارونم

دی به سر رسی جونم مندیر بهارونم

هرس نمند به تیام چی اوربی بارونم

عید نو که ایرس وخت مال کنون ایبو

بو گلای باوینه پر آسمون ایبو

مو ز بیقرارونم مندیر بهارونم

هرس نمند به تیام چی اوربی بارونم

مو به قربونت ایلاق او برف گلزارت

مو به حیرون کوگون که خونن به کهسارت

دی به سر رسی جونم مندیر بهارونم

هرس نمند به تیام چی اوربی بارونم

به خدا دلم آرزو داره که بوینم روزگار ظلمی نداره

تیامه بگشم من هوشمونم هم واز دواره