Dikampuang sulik pancarian

Bia marantau oi badan dulu

Bia lah tingga kampuang halaman

Lamo jo lambek kito batamu

Oi bialah denai merantau

Oio nan marantau ke tanah jao

Tinggalah tingga oi ranah minang

Pado dikampuang baputiah mato

Indak talawan oi dunia urang

Oi bialah denai merantau

Oi nan lah jauah kampuang nagari

Siang jo malam takana juo

Kok lai suak ado rasaki

Tajajak juo oi ranah bundo

Oi bialah denai merantau

Taragak badan denai nak pulang

Pitih sayuik apo kadayo

Dapek pagi lah abih patang

Disiko hati mangko taibo

Oi ka baa denai dirantau

Tabayang kelok jo pandakian

Takana lubuak tapian mandi

Rusuah ka sia ka di katokan

Awan bararak nan den pandangi

Oi ka baa denai dirantau

Ayah jo mande raso lah tampak

Mananti anak bilo pulang nyo

Kok indak dapek bakisa tagak

Badan di rantau kasalamonyo

Oi ka baa denai dirantau