Mullah bana phirta maula

Pakistan ki kahaani

Khuda kay naam pe haq kerdi apni hewaani

Inki rag rag mai bemaani

Masjid mai bachoo ko jur jur ker sar charhti jeewani

Momin banaya khud ko tu

Qatal o garat kerke

Chori dakaiti kerke

Dafan baiti kerke

Farq na paray mur ke

Mullah bana phirta maula

Pakistan ki kahaani

Khuda kay naam pe haq kerdi hai apni hewaani

Dur kerdia Khuda ko dara dara ke tu nay

Rehman ki jaggah sajdo ka mehmaan bana diya tu nay

Piyaar ko bidad bana dala, bidad banaya tu nay

Khuda bhula ke Mullay ko Maula banaya Tu nay

Sharab haram keh ke, burai hallal kerte

Ghairat kay naray laga ke, baiti halaq kertay

Shaam kay andhairay mai, bachay nilam kerte

Shaadiyaan 4 kerke, maaf janwar bhi na kerte

Mullah bana phirta maula

Pakistan ki kahaani

Khuda kay naam pe haq kerdi apni hewaani

Kiya janwar Rab ki makhlooq nahi

Kiya baitiyaan Rab ki Rehmat nahi

Kiya bachay Rab kay piyaaray nahi

Kiya tum Rab kay naib nahi

Naib say na-ahil honay ka koi dur nahi

Kabhi dil say hath utha kay mangh dua

Phir janay ga tera Rab dhusman nahi jo daay gaa saya

Pehchaan apne Rab ko

Woo ghafoor hai, gharoor nahi

Jaan apne malik ko

Piyaar de mehmano ko

Khol de iss dil ke

Dil kay khazano ko

Bhul ja tu nafrat ko

Zada ker shafqat tu

Bhathgay gaa kub tuk tu

Khol lay ab ankhei tu

Ab bhi time hai mango maafi

Ab bhi time hai hoo gaya kaafi

Nafs-e-dil ko kerde khaali

Dil kay bagh ka bun ja maali

Mullah bana phirta maula

Pakistan ki kahaani

Khuda kay naam pe haq kerdi apni hewaani