จากท่งนามาไกลถิ่นสู้พลิกดินหนอปิ้นฟ้า

สิบปีล้ำซาวปีล้ำบ่เห็นหน้าอีแม่เฮา

ผู้ให้กำเนิดเกิดเกล้าปล่อยให้ผู้เฒ่าเผิ่นเหลียวส่อง

ล้มพัดต้องใบข้าว ปีหน้าสิต่าวเมือ

แม่กินเกลืออยู่ทางบ้าน ทรมานหัวใจคัก

ลูกพลัดพลากมาจากท่าน ยามป่วยไข้บ่ดูแล

เงินให้ใช้บ่เหลือส่ง เงินติดถุงบ่พอจ่าย

จักค่าน้ำค่าไฟเทิ่งค่าหนี้กะไล่จ้อ

บ่พอใช้จนคึดนำแม่ แท้หนอโอโฮ๊ะโอโอ่

มื้อเงินคำหนอก่ำแก้ว มีพร้อมแล้วสู่อย่าง

ตั้งใจซื้อลาบช้างตั้งใจซื้อลาบช้างมากองไว้ให้แม่กิน

สิ่นไหมแพรที่แม่ชอบตอบแทนคุณมารดาแม่

แต่สวรรค์เทิ่งชั้นฟ้า เอามรรคาลูกไปจ้อย

น้ำตาย้อยรินไหล จุดธูปไหว้บูชาแม่

ว่ามาเด้อมากินข้าว พร้อมหน้าสาเด้อแม่โอโฮ๊ะโอโอ่

บัดนี้ ลูกมาดูแลแล้ว ในมื้อแม่ได้ลับหาย

ก้มกราบแม่เทื่อสุดท้าย ฮือ ก่อนสิแห่ส่งสการ

ขอเชิญแม่ธรณีท่าน บันดาลกุศลส่ง

ฝากแม่หงส์ให้ลูกด้วย ให้หนุนช่วยเพิ่นทุกทาง

กราบวาทวางเทพท่าน ได้โปรดปรานวิญญาณแม่

ให้ซ่อยแผ่โผดค้ำ นำท่านสู่สวรรค์ แนเด้อโอโฮ๊ะโอโอ่

มื้อเงินคำหนอก่ำแก้ว มีพร้อมแล้วสู่อย่าง

ตั้งใจซื้อลาบช้างตั้งใจซื้อลาบช้างมากองไว้ให้แม่กิน

สิ่นไหมแพรที่แม่ชอบตอบแทนคุณมารดาแม่

แต่สวรรค์เทิ่งชั้นฟ้า เอามรรคาลูกไปจ้อย

น้ำตาย้อยรินไหล จุดธูปไหว้บูชาแม่

ว่ามาเด้อมากินข้าว พร้อมหน้าสาเด้อแม่โอโฮ๊ะโอโอ่