شادي ويكس
يلا اسمعوا بلاش تطمعوا خافوا مننا ويلا ارجعوا
أنا زي ما أنا مش بالغنا لا من يومنا على وضعنا
(إحنا أولى من أي حد إننا ندلع على حسنا (يلاه يا خليل
إصحى يا إبني بلاش تفكر إنك إنت عليّ تقدر
طول ما أنا في إيديّ الأخضر سهل أخلص أي حوار
إتهوستم ولا إيه، إيه في حياتي دي هخاف عليه
لو هتلعبوا بالجنيه إحنا نلعبوا بالدولار
إسترجلوا لا تتبهدلوا حسابكم معايا أنا مأجله
يا إبني إنشفوا بلاش تكرفو من جواكم لازم تنضفوا
اللي هييجي يرميها عليّ أنا مش هطاوعه أنا لا هسكفه
تتحدونا تبقوا بتحلموا لو تيجوا ع السكة هتغرموا
بصوا علينا هتتعلموا ازاي تقدروا تتقدموا
إنتم لو عايزين تلعبوا من الوقفة قصادنا هتتعبوا
اللي هينكشنا نأدبه لو ربي يعينا هنغلبه
يا اخونا الإيد الشقيانة أجدع من الإيد البطالة
ياما أرقام دخلت ع الألة بس ما عملتكوش رجالة
أنا من يومي وأنا شقيان حسوا بأخوكم بقا يا جدعان
جيبي أنا فاضي ومش مليان نفسي ألاقي ياقوت مرجان
اللي إنتم عملتوه بوشكم يا إبني احنا عملناه بضهرنا
مش عايزين نسمع وشكم إنتم وجودكم ولا يهمنا
هفضل عايش أحط عليكم وإنتم هتفضلو تتوجعوا
أيوة أنا صعب تطولني إيديكم ما إنتم خلصتوا وبتودعوا
قولتها لكم كلامه واضح إصحوا ليّ أنا قطر كاسح
اللي يعمل فيها ناصح مستحيل ياكل على إيدنا
آه شقينا ولا اشتكينا من الفلوس اللي في إيدينا
عملنا أكثر من اللي علينا ياما روحنا وجينا وتعبنا
ما تجوش ع السكة لتندموا من ستة المغرب هتناموا
واللي هيعمل فيها عنتر ده في ثانية هدمر أحلامه
أنا البابا يا ناس بخيالي وإنتم تمامكم حبة رغي
ده إنتم كبيركم قد عيالي إبعد لاكل لحمك ني
اللي إنتم عملتوه بوشكم يا إبني إحنا عملناه بضهرنا
مش عايزين نسمع وشكم إنتم وجودكم ولا يهزنا
هفضل عايشة أحط عليكم وإنتم هتفضلوا تتوجعوا
أيوة أنا صعب تطولني إيديكم ما إنتم خلصتا وبتودعوا
