(حصريا على موقع مهرجنات دوت كوم (لو دنيتي قدامي والناس بقوا أخصامي
طول مسيبها على الله ماهبش من أسامي
ألف كمين في طريقي بتسلم يا صديقي
كل صحابي دكاترة أنا المجرم في فريقي
ياو أمجد الجوكر
دمع عيوني في كفة وحياتي أنا في كفة
فكر كل مضيكوا يا اللي هدفكوا إتوفى
كل دقيقة فاتتني مواقف علمتني
إنتوا دروس في حياتي عمري ماقولت ياريتني
عمري ما قولت ياريتني على ناس بايعة باعتني
بالعكس دي خينتكوا مصلحة حاجة فدتني
اللي فداني في نصيبتي رسمي أفدي برقبتي
واللي مشافش رجولة عرفوا بيحكي في غبتي
إحكي في غبتي وأجري عمرك ماتحكي الدغري
إزاي مشافش نفسه لما برطم في ضهري
إزاي ده إنت شقيقي صاحبي أخويا حقيقي
اللي نصب لي الخية ألف كمين في طريقي
ألف كمين في طريقي بتسلم يا صديقي
كل صحابي دكاترة وأنا المجرم في فريقي
سكتي صبحت ضلمة يخربيت دي نمرة
صاحبي اللي مسلمني كل ده علشان حرمة
كل ده علشان حرمة وياريت وجها وفرمة
ده إنت تونزي وأخويا طلع أوطة من الصرمة
اللي نساني انسيه عملت إكس عليه
اللي خصرني يا صاحبي عمري ما بسلك ليه
أسلك ليك لو سالك وقت المحنة لشارك
وقت ماتبقى خصومة جنبك باجي فتعارك
لو قلبك على قلبي جنبك علشان جنبي
إحنا نسوق مدينة لو ناس قلبين زومبي
ناس اتقلبت زومبي على النسوان والبني
الإدمان بقى موضة والبياع بقى سني
وسط بشر مصطولة أنا بحلم معقولة
أنا شايف في منامي سكتي ليه مقفولة
سكتي ليه مقفولة وطموحي أنا مقتولة
لازم أستندل يعني واطروكيك يا رجولة
يا رجولة صعب أنساكي هفضل برضو معاكي
ليه الأنذال عابوا فيكي ماشفوش إيه جواكي
مشفوش إيه جواكي قالوا السم دواكي
ما بناقص من الناقص يا دنتي ربي معاكي
لو دنيتي قدامي والناس بقوا أخصامي
طول مسيبها على الله ماهبش من أسامي
ما أنا مابهبش أسامي أصل كاره أيامي
عايش يومي بيومه كله عشق إجرامي
لما شافوني غلوبة نهشوني حبة، في حبة
لما ردمت الطيبة فجأة زاديت المحبة
فجأة زاديت المحبة من خلق ولاد كلبة
هكتم على أنفسكوا هعيش على أرض صلبة
هرحل كوكب ثاني هنسى يابا اللي نساني
علشان عشت لوحدي قالوا سلطان لزماني
أنا سلطان لزماني نص حياتي أغاني
بس كلامي من قلبي كل كلامي بمعاني
من اللي بشوفه علمني أنسى اللي بيظلمني
ربك يا إبني كبير عمره في وجعي ما سبني
