Tus Hu : DeathRhyme
Tus neeg kuv hlub
Vim muaj koj
kuv lub neej no nws thiaj li tshav
Yuav muaj kev nyuaj siab dab tsi los
Kuv thiaj li hnov qab
Koj yog yam li lub paj
Lub ntiaj teb no thiaj li tsw qab
Muaj koj los tuav kuv txhais tes
Kuv thiaj li pom kev
Thiaj li pom tus dej
Qheb qhov muag pom lub ntiaj teb
Ua tsaug rau koj txoj kev hlub
Uas koj muab rau kuv
Koj lub siab dawb huv
Tsis zoo li luag lwm tus
Koj yog lub hnub qub
Ci ntsa iab rau kuv lub ntuj
Tsis muaj koj los ci ntsa iab
Ces ntshe lub neej twb tsaus ntuj
Tsis muaj leej twg
yuav los hloov tau koj qhov chaw
Kuv cog lus
Kuv yuav hlub koj ib leeg xwb
Kom txog hnub kawg
Kom txog hnub wb plaub hau dawb
Kom txog hnub tsis muaj kuv lawm
Yuav nyob nrog nriam koj ib sab
Yuav tsis pub kom koj tu siab
Kuv thov ua tsaug rau lub ntuj
Uas lub ntuj muab koj rau kuv
Zoo yam li yog npau suav xwb
Ib pliag xwb tau koj los hlub
Tau kiag koj los ua kuv tus
Koj muaj nqis tshaj nyiaj thiab kub
Tsuas kuv muaj koj xwb ces
Kuv lub neej yeej nplua nuj
Kuv me nplooj siab tus neeg kuv hlub
Kuv xav hais rau koj
Wb lub sij hawm nws twb tsis ntev
Kuv xav qhia rau koj
Pw hnub no
xyov puas yuav sawv tag kis lawm os yom
Lub sij hawm nws luv luv
Lub neej laus yuav los txog
Kuv thiaj li yuav hlub koj
Kom tag kuv lub siab nrho
Ua ntej kom txog hnub es
Yuav sib ncaim mus tag ib sim
Vim peb ua neej nyob
Peb paub hnub no tsis paub tag kis
Thaum ntej kuv ntsib koj
Kuv pheej xav hais tias
Koj puas nyiam tus neeg li kuv
Kuv tus me neeg zoo
Xyov puas yuav muaj txoj hmoo
Vim koj thiab kuv wb mas sib txawv
Kuv ces zoo cuag li cua daj cua dub
Ho koj ces zoo cuag ntxhais nkauj ntxawm
Los koj tseem qheb koj lub siab rau
Ib tus neeg li kuv
Muaj koj lawm es
Lub neej no thiaj li tshav ntuj
Txawm lub ntuj yuav los nag
Los tsuas muaj koj los ua kuv khub
Hnov koj lub me suab luag xwb ces
Kuv yeej tsis hnov nag ntub
Tsuas muaj koj xwb
Ces hauv lub ntiaj teb no
Tsis ntshaw lwm tus
Ua neeg nyob hauv lub ntiaj teb no mas
Lub sij hawm nws luv luv
Txawm yuav muab
ib puas xyoo rau lub sij hawm
Tsis txaus rau kuv
Kuv thiaj li yuav
muab ib puas tsav yam rau koj
Kom txaus kuv siab
Kuv me koj niam
Koj yog lub ntuj thiab daim av
Muaj koj lub paj thiaj li hlav
Muaj koj lub neej thiaj li kaj
Txawm lub ntuj yuav los nag
Los tsuas muaj koj los ua kuv khub
Hnov koj lub me suab luag xwb ces
Kuv yeej tsis hnov nag ntub
Tsuas muaj koj xwb
Ces hauv lub ntiaj teb
Tsis ntshaw lwm tus
Kuv me nplooj siab tus neeg kuv hlub
Kuv xav hais rau koj
Wb lub sij hawm nws twb tsis ntev
Kuv xav qhia rau koj
Pw hnub no
xyov puas yuav sawv tag kis lawm os yom
Lub sij hawm nws luv luv
Lub neej laus yuav los txog
Kuv thiaj li yuav hlub koj
Kom tag kuv lub siab nrho
Ua ntej kom txog hnub es
Yuav sib ncaim mus tag ib sim
Vim peb ua neej nyob
Peb paub hnub no tsis paub tag kis
