Bachpan ke gaadi mey sapney ka dher hai

Yaha paise aur shaurat toh kaafi zyaada rare hai

Hum aasmaan mey rehte aur dost teddy bear hai

Ab zameen pe hai pahuche par baadalo mey pair hai

Ha! Jaise mere gaano mey flare hai

Ye zindagi ke race mey hum thak ke ab tehere

Ye josh mere khoon, junoon mere zehen mey

Ye bachpan ke sapney ab haqeekat mey zeher hai

Umar mey hum badhne lage

Armaan hue change kyuki darne lage

Asliyat kaafi strange, sapney marne lage

Shortcut hua bandh

Tab kuch karne lage, chadne lage

Raat din bas uske hi sapney the

Haqeekat mey bhailog aur family hi apne the

Pehele hadd se zyaada kar baitha tha ye ladka

Ab gaane likh ke zindagi sudhaarne lage

Chahe life mey kuch haasil na ho

Maybe car, maybe pyar, tutta dil na ho

Purey saal beshumaar tera will na ho

Karu khud se bhi pyar, wo launda kill na ho

Perfect ladki ki wo wish tere liye fir delete kiya

Khud ko bhi kho ke kabhi tujh pe na cheat kiya

Saath rehne ke sapney sajaa ke baithe the

Thank God tere jaise kabhi aur kissi ka bill na ho

Brett Lee ki speed jaisi bowling mujhe karni hai

Rapper ban gaya beta, speed se kya darna hai

Ronaldo jaise mujhe goals bhi toh maarne hai

Bada hoja chote, ab bas paise kamaane hai

Ek din pilot ban ke udd chala jaunga

Bohot udd liya, ab zameen pe mai aunga

Masterchef mey mai jeet ke dikhaunga

Khayaali pulao chod, bas beat pe mai gaaunga

Bachpan ke sapney mey thoughts kaafi silly the

Sher wale launde ek din bheegi billi the

Inke jaise kitne saare aa ke chale gaye

Inke jaise kitne saare sapney dekhte reh gaye

Bache kuche reh gaye, nakli wale bheh gaye

Industry ke naklipan mey asli artist sehe gaye

YouTube ke chakkar mey artists aaye naye naye

Seedha headshot, ye dekhe nahi daaye baaye

Ladki, daaru, gaadi se aage badh na bhai bhai

Naya daur hip hop ka, "Can someone give a high five?"

Jo bhi maine bola uspe gaur dena

Sapney tutt na jaye iska khauf hai na?

Haqeekat mey jo kare wo hi bohot hai na

Stress na le bro, apne saath apna God hai na