Mungkin tong harus pisah
Karena torang su beda
Masih sama-sama cinta
Tapi tong dua harus rela
Kasih, tinggal samua mimpi
Lupa sudah janji-janji
Macam air deng api
Torang su tra bisa bersatu lagi
Ini bukan ko deng sa pu mau
De pu alasan cuma ko deng sa yang tahu
Hati masih bisa tapi su tra sama
Mungkin tutup samua cerita
Tong diam kas biar waktu yang bicara
Kalau memang jodoh tra lari ke mana, uh
Dan sekarang sa berlari entah itu sudah jauh
Dalam mimpi sa berjuang tanyakan waktu (Oh)
Jatuh dan jenuh, harap semua koi tahu
Memang sa tra mau tapi cinta 'kan sa tunggu
Sama beda rasa, sama cinta sa su rela
Hingga bisa pisah sa su tra mampu bicara (Ah)
Dalam rindu sa relakan angin bawa hilang
Bintang yang bersinar sudah jauh redup terang
Ingin sa dekat ko dan bilang (Bilang)
Tra mampu lepas ko dan hilang (Hilang)
Tapi harus kuat untuk relakan
Sa butuhkan waktu untuk lupakan
Harap ko lupakan rasa
Bersama cinta trada bahagia jika tong dua harus paksa (Oh)
Satu jalan pisah dan coba pindah cerita
Trada bahagia jika tong dua berusaha
Ini bukan ko deng sa pu mau
De pu alasan cuma ko deng sa yang tahu
Hati masih bisa tapi su tra sama
Mungkin tutup samua cerita
Tong diam kas biar waktu yang bicara
Kalau memang jodoh tra lari ke mana, uh
Dan babe, harap ko mengerti (Oh)
Paham tiap kata dalam bait penuh arti (Oh yeah)
Satu hati ini jalani cinta yang su lama
Kian su terarah entah sekarang de tak ubah
Su sekian lama namun harus jeda
Trada tanda tanya kini titik yang bicara
Sudah lupa janji bukan karena satu ego
Tapi ini harus sa melangkah dan terus leggo
Mungkin lepas cinta tabagi deng derita
Melupakan kisah mungkin luka deng cerita
Hapus nama di hati, tutup deng air mata
Lupa bahagia seiring ingatan mimpi buta
Rasa su berbeda jang paksakan sama
Dalam bayangan sa hadirkan maaf untuk yang pertama
Dan terakhir ingat, lupa janji yang terindah
Cinta su begini, maaf semua su berubah, uh
Kasih, tinggal samua mimpi
Lupa sudah janji-janji
Macam air deng api
Torang su tra bisa bersatu lagi
Ini bukan (Ini bukan ko deng sa pu mau)
(De pu alasan cuma ko deng sa yang tahu)
Hati masih bisa tapi su tra sama
(Mungkin tutup samua cerita)
(Tong diam kas biar waktu yang bicara)
Kalau memang jodoh tra lari ke mana, uh-hu
(Ini bukan ko deng sa pu mau)
(De pu alasan cuma ko deng sa yang tahu)
Hati masih bisa tapi su tra sama
(Mungkin tutup samua cerita)
(Tong diam kas biar waktu yang bicara)
Kalau memang jodoh tra lari ke mana
Oh whoa
Tra lari ke mana
Tapi torang dua harus rela
