لا تسامحني ولكن لا تضيق
ما ابيك تضيق يا بسمة شفاتي
افترقنا وانعدم فيني الشهيق
واختنق واقوم والملم شتاتي
كل ضحكه يم غيرك ماتليق
ياغيابك كيف وداني لمماتي
ضعت في بحر الحزن وانا غريق
والبقا لله في باقي حياتي
خلني في دنيتي وسط الحريق
كل طب مايجمع لي رفاتي
من غيابك صابني جرحن عميق
والمفارق ريحها قاسي وعاتي
صرت اكره عزلتي اغفى وافيق
دالهن مابين حزني وامنياتي
ودي ارحل بس ما ادل الطريق
ضاعت دروبي وانا عالق بذاتي
لا تسامحني ولكن لا تضيق
ما ابيك تضيق يا بسمة شفاتي
افترقنا وانعدم فيني الشهيق
والبقا لله في باقي حياتي
