Staje luntana da 'stu core,

A te volo cu 'o penziero,

Niente voglio e niente spero

Ca tenerte sempe a fianco a me!

Sì sicura 'e chist'ammore

Comm'i' sò sicuro 'e te?

Oje vita, oje vita mia!

Oje core 'e chistu core!

Sì stata 'o primmo ammore

E 'o primmo e ll'urdemo sarraje pe' me!

Quanta notte nun te veco,

Nun te sento 'int'a 'sti bbracce,

Nun te vaso chesta faccia,

Nun t'astregno forte 'mbraccio a me!

Ma, scetannome a 'sti suonne,

Mme faje chiagnere pe' tte.

Oje vita, oje vita mia!

Oje core 'e chistu core!

Sì stata 'o primmo ammore

E 'o primmo e ll'urdemo sarraje pe' me!

Scrive sempe e sta' cuntenta:

Io nun penzo che a te sola!

'Nu penziero mme cunzola

Ca tu pienze sulamente a me!

'A cchiù bella 'e tutt' 'e bbelle

Nun è maje cchiù bella 'e te!

Oje vita, oje vita mia!

Oje core 'e chistu core!

Sì stata 'o primmo ammore

E 'o primmo e ll'urdemo sarraje pe' me!

...

Sì stata 'o primmo ammore

E 'o primmo e ll'urdemo

sarraje

pe' me!