العشق في تياره

والقلب شبت ناره

والعقل زاد افكاره

والشوق ضيّق بالي

يا نور عيني اسمعني

فيك الغلا يجمعني

في شوفتك متعني

وانت الحبيب الغالي

حولك بشر غنولك

والناس دايم حولك

تعشق حلاك وزولك

يضيع به من شافك

محاسنك مزدحمه

والحب ما به رحمه

وخصرك مسوي زحمه

كل الحلا باوصافك

عيني تشوف قلبك عطوف

زين الوصوف بعيني

زين الوصوف بعيني

فيك الحلا والرقه

وكل شي ماخذ حقه

العب معي ع الدقه

لبى حلاك الزايد

سلهم برمش عيونك

واضحك فديت سنونك

متع نظر مجنونك

بالزين دامه كايد

فيك الجمال الباهر

خلقه من الله ظاهر

مثل الملاك الطاهر

سكن داخل روحي

انا لوصلك ناوي

الموت قلبي هاوي

مالي دوا ومداوي

بس انت طب جروحي

زينك فريد وحسنك عجيب

انت الطبيب لروحي

انت الطبيب لروحي

خدك تقل تفاحه

وشفايفك ذبّاحه

والخشم سل سلاحه

سيفٍ وسط خدينك

انت الذي حبيته

حلاك يخرب بيته

والقلب لك عنيته

دخيل نظرت عينك

فل الشعر لكتوفك

خل الجميع يشوفك

مد الدفى بكفوفك

للي يموت بحبك

انثر جمال الغره

وفل الشعر لو مره

وقلبٍ يحبك سره

والطيش لا يلعب بك

قلبٍ هواك جعله فداك

وثق غلاك وحبك

وثق غلاك وحبك

غزال ما بك حيله

مثل القمر في ليله

فيك الحلا تشكيله

رب البشر سوّاها

القلب بسمك صوت

كلام ما ينفوت

وفيك المعاني سوت

قصه ظهر معناها

حكِّم ضميرك فيني

بالشوق لا ترميني

وبالبعد لا تكويني

خفف لهب نيرانك

شعري وكل اوصافي

تفدا غلاك الصافي

انت الحبيب الوافي

وانت الوفى عنوانك

قلبك دفاه يشرح وفاه

كلي فداه الغالي

كلي فداه الغالي