عذب السجايا وعوده بأول الكنه
متى تزين السوالف واخذ علومه
واسامحه عن خطاه الجرح والونه
واعاتبه لو يصد شوي والومه
واذكره باول المسفار حتى إنه
لا من تذكر زمان اول نسى نومه
يوم إنه اقبل خدين الروح يومنه
واقبلت اراعيه والقومه هي القومه
من يومها والحشا ما عاد له خنه
إلا لصوته وميعاده وملزومه
عفري هنف للضلوع وجا لهن حنه
واستانست له فياض القلب ورجومه
لبى جبينه لا ارتج الغطا كنه
برق يصب الرفيف بكبد ديمومه
ما اقول شفته وشفت البيض يتلنه
اقول شفته وشفت الشمس منجومه
ما اقول كن الجديل الليل لكنه
ليل خرعه الظلام وضيع نجومه
يا قبلة الله هكا العنقود لامنه
قام يتهجا شذا عطره ويشمومه
فيه انتهى النور لا والله بدا منه
فجر نعس بالوريد ونام بهدومه
ورد تفرعن حَماره قلت اباكنه
الى متى والحنايا منه مفطومه
احســاس
فز وتطرق رطيبه قلت ما عنه
بالم شيحه وريحانه وقيصومه
صد وتلعثم هديله في برد سنه
يا قوم ذا النور يوم انكت يا قومه
الله عطاني والله يعطي الجنه
واليا استجد الهوى كل ومقسومه
الله عطاني والله يعطي الجنه
واليا استجد الهوى كل ومقسومه
عذب السجايا وعوده بأول الكنه
متى تزين السوالف واخذ علومه
واسامحه عن خطاه الجرح والونه
واعاتبه لو يصد شوي والومه
واذكره باول المسفار حتى إنه
لا من تذكر زمان اول نسى نومه
يوم إنه اقبل خدين الروح يومنه
واقبلت اراعيه والقومه هي القومه
