لا تجبرون المشاعر تستصيغ الكلام

دموعي إليا انزفت بكرة تشوفونها

خلوني أنام لو ماني بقادر أنام

الضيقة اللي بصدري تكفي لحونها

لا أحداً يجيب العتاب ولا يجيب الملام

إليا انفتح باب للضيقة تحسونها

ما ودي ابكّي الفكرة وأسبب زحام

أخاف بكرة من الإحساس تبكونها

أخاف بكرة من الإحساس تبكونها

صبرت بس الصبر فيها جنى لي حطام

يا قو خذلانها ويا موجع اطعونها

عطيتها الإحترام ولا لقيت احترام

يا كبرها العشرة اللي ضاع مضمونها

كنت أحسب إنّا تمام وكل حاجة تمام

واثري بكوني وهي لحال في كونها

مرّت بها أيامنا الحلوة مرور الكرام

ولا كنت هاقي بشوف الغدر بعيونها

ولا كنت هاقي بشوف الغدر بعيونها

لكن خلاص الغلا روّح عليه السلام

أعز نفسي لو إنهم ما يعزونها

يحتاج قلبي فقط ود و وفاء واهتمام

ما لي بطب الجروح اللي تعرفونها

أموت ولا رضيت الذل والانهزام

ولا بهين الكرامة لو تهينونها

أموت ولا رضيت الذل والانهزام

ولا بهين الكرامة لو تهينونها

ولا بهين الكرامة لو تهينونها