Mohamed Essam
لو تحب تلاقي دايمًا حد حابب يبقى سامعك
لو في يوم احتاجت صاحب ولّا حضن يواسي دمعك
لو لقيت الناس بتفرح وأنت زي حالاتي وحدك
أنا موجود
لو ساعات تشتاق لحد بيلقى عذر لكل غلطة
لو سرحت في حلم فاتك ولّا قلت هعيشه امتى
لو مُناك يبقى فـ حياتك حد قابلك زي ما أنت
أنا موجود
تعالى أبدأ معاك عمري.. وأقاسمك فرحتي وحزني
ولو تحتاجني أنا جنبك.. وملكك وقت ما تعوزني
بروحي وقلبي أنا جايلك.. ناديني وبين ايديك خدني
ده بين كل اللي في الدنيا.. ملكش أحنّ من حضني
لو لقيت الوقت بيّن جوه منّك حاجة ليّا
لو حياتك صعبة يمكن تبقى أجمل بيك وبيّا
لو نويت تدخل في قلبي ويبقى عندك مِلك فيّا
أنا موجود
أيوه لسّه الدنيا فيها ناس بتفدي اللي يآمنها
Mohamed Essam
فيها حد بيدّي حاجة وهو حارم نفسه منها
فيها حب معاه هتعرف كل حاجة سمعت عنها
وأنا موجود
