(PRIMA VOCE) Io nun capisco 'e vvote che succede

e chello ca se vede nun se crede

è nato nu criaturo è nato niro,

e 'a mamma 'o chiamma Ciro, sissignore, 'o chiamma Ciro.

Seh vota e gira seh

seh gira e vota seh

(INSIEME) ca tu 'o chiamme Ciccio o 'Ntuono

ca tu 'o chiamme Peppe o Ciro

chillo 'o fatto è niro niro, niro niro comm'a cche...

(SECONDA VOCE) S''o contano 'e cummare chist'affare

sti cose nun so' rare se ne vedono a migliare,

'e vvote basta sulo 'na guardata,

e 'a femmena è rimasta sott''a botta 'mpressiunata.

Seh 'na guardata seh

seh 'na 'mprissione seh

(INSIEME) va truvanno mò chi è stato

c'ha cugliuto buono 'o tiro

chillo 'o fatto è niro niro, niro niro comm'a cche...

(PRIMA VOCE) E dice 'o parularo, embè parlammo,

pecché si raggiunammo chistu fatto ce 'o spiegammo.

Addò pastin' 'o grano, 'o grano cresce

riesce o nun riesce, semp'è grano chello ch'esce

Meh dillo a mamma meh

meh dillo pure a me

(INSIEME) conta 'o fatto comm'è ghiuto

Ciccio, 'Ntuono, Peppe, Ciro

chillo 'o fatto è niro niro, niro niro comm'a che...

Seh 'na guardata seh

seh 'na 'mprissione seh

và truvanno mò chi è stato

c'ha cugliuto buono 'o tiro

chillo 'o fatto è niro niro, niro niro comm'a cche...

(SECONDA VOCE) 'E signurine 'e Capodichino

fanno ammore cu 'e marrucchine,

'e marrucchine se vottano 'e lanze,

e 'e signurine cu 'e panze annanze.

(PRIMA VOCE)American espresso,

damme 'o dollaro ca vaco 'e pressa

sinò vene 'a pulisse,

mette 'e mmane addò vò isse.

(SECONDA VOCE) Aieressera a piazza Dante

'o stommaco mio era vacante,

si nun era p''o contrabbando,

ì' mò già stevo 'o campusanto.

(PRIMA VOCE) E levate 'a pistuldà

uè e levate 'a pistuldà,

e pisti pakin mama

e levate 'a pistuldà.

(SECONDA VOCE) 'E signurine napulitane

fanno 'e figlie cu 'e 'mericane,

nce vedimme ogge o dimane

mmiezo Porta Capuana.

(PRIMA VOCE) Sigarette papà

caramelle mammà,

biscuit bambino

dduie dollare 'e signurine.

(SECONDA VOCE) E Ciurcillo 'o viecchio pazzo

s''è arrubbato 'e matarazze

e ll'America pe' dispietto

ce ha sceppato 'e pile 'a pietto.

(PRIMA VOCE) Aieressera magnai pellecchie

'e capille 'ncopp''e recchie

e capille e capille

e 'o decotto 'e camumilla...

'O decotto,'o decotto

e 'a fresella cu 'a carna cotta,

'a fresella 'a fresella

e zì moneco ten''a zella....

(SECONDA VOCE) E levate 'a pistuldà

uè e levate 'a pistuldà,

e pisti pakin mama

e levate 'a pistuldà.