لو يضيع العمر في وجهك فداك
والله ان وجهك حكايه ثانيه
ترتوي عيني وانا اضمى من ضماك
كيف تسقيني ولا لك سانيه
كيف تسقيني ولا لك سانيه
هاك قلبي هاك عيني هاك هاك
والله ان روحي معك متغانيه
كل يوم يمرني وانا معاك
ودي اعيشه معك بالثانيه
عينك تورّد الاوادم للهلاك
كنّها لذبح العرب متفانيه
لو يضيع العمر في وجهك فداك
والله ان وجهك حكايه ثانيه
والله ان وجهك حكايه ثانيه
ودي اغطيك واغطي حلاك
مثل ما تغطى القطوف الدانيه
مرك العمر وتعداك ونساك
عاد روحك في ترفها هانيه
عاد روحك في ترفها هانيه
ينتهيك الحسن كيف اليا ابتداك
وانت جاني والملامح جانيه
أسالك باللي على الناس اصطفاك
العجايب سبع أو ثمانيه
انت وجهك ضيّ وتنور سماك
ويش جابك للحياه الفانيه
لو يضيع العمر في وجهك فداك
والله ان وجهك حكايه ثانيه
والله ان وجهك حكايه ثانيه
