مشهد من مسلسل

جعفر العمدة

اهداء للفنانة

ANOOSH.m

تنزيل

shady_star23

دلال: كدة تخبي عليا خبر حلو زي دة ؟

هو انا يا خويا غريبة ؟

جعفر: اه غريبة ...

وما غريب الا الشيطان

دلال: مالك يا اخويا فيه اية ؟

جعفر : كل كدبة وليها اخر يا دلال

دلال : كدبة اية ؟

جعفر : كلك علي بعضك ..كدبة

ما فيش حاجة واحدة في حياتك صدق

تخيلي يا ثريا ..

تنام علي فرشتي شيطانة السنين دي كلها

وانا معرفش ...

تمثل انها سقطت يا اما ..وهي ما بتخلفش

هي اللي كانت عايزة تموت عايدة

..دلال اللي اجرت بلال شامة عشان يخطف ابنك يا ثريا

دلال : قولي له ..قوليله يا ثريا

جعفر : يا بت انتي لسة فيكي نفس

انتي جنس ملتك اية ؟

يا بت انا شايفك بعيني وانتي بتقتلي الراجل الوحيد

اللي عارف مكان ابني ..

ابني اللي كنتي بتتمني انه يفضل ميت

ابني اللي بتتمني انا وامه

قلبنا يفضل محروق عليه العمر كله

بوصي لها يا بت ...بوصلها ..ردي علي صاحبتك

بتحسي باية وانتي بتشوفيني بتقطع كل يوم

شوفتي مني اية وحش ؟

يا بت انا ما ورتكيش غير عزة وكرمة

عمر ما طالك مني ازية ولا شر

انا كنت امانك يا دلال

دلال: ما كنتش عايزة يشاركني فيك

ما كنتش عايزاه يشاركني فيك يا جعفر

انا عملت كدة عشان بحبك

جعفر : يحرق ابو دة حب

بتحبيني تحرقي قلبي

تحرميني من ابني 19 سنة

مالوش علاقة ببيت يا اما

ولا له دعوة بدين ولا له دعوة بخلق ربنا كلهم

زرعة شيطاني ..

زرعة اتسقت بالغل والكره

19 سنة تحرميني من ابني

طب الواد دة ذنبه اية ؟

تحرميه من ابوه 19 سنه ليييه؟

ذنبه ايه ؟

دلال: انا اكتر واحدة في الدنيا حبتك يا جعفر

ما حدش حبك قدي ..

انا بس اللي حبيتك

وانا بس اللي خوفت عليك

ولا حتي هو ..ولا هما

بس انا هريحك مني ...اوعي

انا هموت نفسي ..هموت نفسي عشان ترتاحوا كلكم

هاموت نفسي يا جعفر

هاموتلك نفسي واريحك ..واريحكم كلكم مني

جعفر : عندك حق ..

هي دي الحاجة الوحيدة اللي هتريحنا منك

يالا ..يالا موتي نفسك

دلال : لو موت نفسي هتعرف تعيش من غيري يا جعفر

جعفر : اه

دلال: لا يا جعفر انا بحبك وغيرت ..

غيرت لما روحت اتجوزتها وانت بتحبني انا

غيرت لما راحت خلفتلك الواد وطلعت انا ما بخلفش

ابوس ايدك يا جعفر ..ابوس ايدك

انت خلاص لقيت ابنك

وزي الفل اسم الله عليه

سامحني ..سامحيني يا ثريا والنبي

سامحيني يا حاجة

ما تسبنيش يا جعفر ..ما تسبنيش

انامعرفش اعيش من غيرك

جعفر : انتي طالق يا دلال

طالق بالتلاتة ....

دلال: جعفر ..يا جعفر ..

جعفر :تمسكي فيا لية ؟

عايزاني احميكي (جعفر )

مانتي استخسرتي الحماية في نفسك