បងអង្គុយចាំមើលផ្លូវ តើពៅទៅណា?
ខំញ៉ាំស្រា ក៏ស្រាមិនធ្វើឱ្យបងស្រវឹង
បងខំចាំដំណឹង បាត់សូន្យឈឹង
ពេលថ្មើរហ្នឹង តើពៅព្រលឹងទៅណា?
ម្ដេចក៏ឱ្យបងចាំៗៗ? ខុសចំណាំដែលធ្លាប់ជួបគ្នា
បងអង្គុយចាំតែស្រី មួយរាត្រីទៅហើយ
ឃើញគេកៀកកើយសង្សារ ស្មានថាអូនបណ្ដើរគេ
ឱ! មិនមែនទេ ច្រឡំទេ ស្មានតែរូបស្រី
ខំញ៉ាំបារីបំភ្លេច តែបំភ្លេចមិនបានៗ
ចាំមួយយប់ទៅហើយអូនអើយ!
បងចាំយូរទៅៗ នៅតែមិនឃើញស្នេហ៍
ខំញ៉ាំកាហ្វេ កុំឱ្យងងុយ អង្គុយចាំមើលផ្លូវ
ចាំយូរៗទៅ ឮមាត់ហៅ ស្មានតែអូនហៅ
ឱ! មិនមែនពៅហៅឡើយ
ឱ! ព្រះអឺយ! ម្ដាយបងហៅទេ ហើយគាត់ជេរថាបងមិនគេង
