تم الرفع والمكساج بواسطة
الفنان طلال العبدالله
***********
تناديك رغبات المقابيل
من الأرض وأنت بالمجرة
تهادي على غصنٍ من الليل
وتمادي على القلب ومقره
ترى كل هالدنيا تساهيل
مادام إننا بنعيش مرة
تلدين وتزين التعاليل
تصدين وتصد المسره
واناديك ودموعي هماليل
وفي الصدر تنهيده وحره
أحبك وما للحب تأويل
ولا شفت منك إلا
المضررررره
تناديك رغبات المقابيل
من الأرض وأنت بالمجرة
تهادي على غصنٍ من الليل
وتمادي على القلب ومقره
********
وتمونين يا ريم المِكاحيل
على القلب في خيره وشره
إذا جيتي أستاهلكِ بالحيل
وإذا كان ما تِبغين حُره
فديت الوسيعات المظاليل
رماح الهلاك المستشِره
وخطواتك اللي بالخلاخيل
لها في الصدر والقلب جُره
سواليفك بكل التفاصيل
وصوتك بها لله دَره
أبي منك ما ينهد لي حيل
على شي ما يسوى
المِضرررره
تناديك رغبات المقابيل
من الأرض وأنت بالمجرة
تهادي على غصنٍ من الليل
وتمادي على القلب ومقره
************
وأبي صادقاتَ التَهاليل
إذا جيت أبشكي وأتِشرَه
من الحظ وأشباهِ الرِجاجيل
وعَثرات وقتي المستمِره
وطموحاتي الغُر المِحَاجيل
وخِذلانها مع كِل كَره
أَعَدْلَ المِساوي تِطيح قِنديل
وأهِز الجِفِن وتطيح قُرَه
واناديك ودموعي هماليل
وفي الصدرِ تنهيده وحَره
أحبك وما للحب تأويل
ولا شِفت منك إلا
المِضرررره
تناديك رغبات المقابيل
من الأرض وأنت بالمجرة
تهادي على غصنٍ من الليل
وتمادي على القلب ومقره
***********
12 записей
