مين فينا حدّد لون عينيه؟
مين فينا حدّد لون عينيه؟
ويوم ولادته و اسمه ايه؟
في حاجات كتير كده في الحياة
موجودة ومنعرفش ليه
زي قلبي لمّا دقّ
عند كلمة خير وحق
زي جاري اما ابتسملي
شق سور الغربة شق
زي جامع جنبه نيل
زي دير من ألف جيل
مش مهم ف أي دين
المهم تكون جميل
زي سجن بألف باب
زي شاب ف مصر داب
زي بنت بنوت ف شبرا
بالصليب أو بالحجاب
زي وردة فتّحت
زي موجة سبّحت
زي ترنيمة صلاة
ع الغلابة صبّحت
زي طير
مدّ الجناح
فوق الألم
فوق الجراح
شافه الولد
ضحك أوي
لبنت ف عنيها البراح
زي طير
مدّ الجناح
فوق الألم
فوق الجراح
شافه الولد
ضحك أوي
لبنت ف عنيها البراح
مين فينا حدّد لون عينيه؟
وحاجات كتير
كده في الحياة
طريق ولازم نمشي فيه
سبحانه هوّ اللي ابتداه
ولوحده عارف آخره ايه
ولوحده عارف
آخره ايه
