Sa paggising napuputol ang anomang panaginip
At ang taong naghihintay umaalis ‘pag nainip
Kagustuha’y nagbabago, paghanga’y pwedeng mag-iba
Lahat panandalian lamang talaga
Nauubos ang salapi kapag ito’y ipinambili
Ang bago ay naluluma, ang pagtanda ay madali
Trabaho ay natatapos, katanyaga’y lumilipas
Ngunit kabutihan Mo’y hindi magwawakas
CHORUS
Panginoon, walang Kang katulad
‘Di nagbabago, ang biyaya Mo’y sapat
Pag-ibig Mo’y walang hanggan
Ika’y ‘di mapapantayan
Panginoon, wala Kang katulad
Maaaring malimutan ang taglay na karunungan
Paghina ng kalakasan ay ‘di maiiwasan
Ganda ay kumukupas, ang yaman ay maiiwan
Ngunit ang awa Mo’y magpakailan pa man
Wala ngang matatagpuan na isang katulad Mo
Nananatili Kang tapat, banal, dakilang totoo
Marapat Ka na sambahin, ibigin ng buong puso
O Dios ang awit na ito’y para sa’Yo
Panginoon, walang Kang katulad
‘Di nagbabago, ang biyaya Mo’y sapat
Pag-ibig Mo’y walang hanggan
Ika’y ‘di mapapantayan
Panginoon, wala Kang katulad
Panginoon, walang Kang katulad
‘Di nagbabago, ang biyaya Mo’y sapat
Pag-ibig Mo’y walang hanggan
Ika’y ‘di mapapantayan
CODA
Panginoon, Panginoon
Wala Kang katulad (3x)
