Giliw ko kumusta na

Ang buhay sa ibang bansa

Ikaw pa ba'y lumuluha

Dahil sa'kiy nawalay ka

Aking sinta hayaan mo

Ang pagtulo ng luha ko

Pagkat ako'y nanibago

Ngayong wala sa piling mo

Sabihin mo, oh bakit ba

Sa akin ika'y lumisan pa

Ako'y sanay sa umaga

Ikaw ang unang makita

Pasensya na aking sinta

Pagkat ika'y nadamay pa

Kalungkutang nadarama

Pagdusa mo'y di ko sadya

Pinilit ko ang lumayo

Labag man sa kalooban ko

Pagkat ako'y mahirap lang

Pag iipon ay kailangan

Ako'y babalik na may dala

Para sa aking prinsesa

Kamay mo ay hingin ko na

Mula sa'yong Mama't Papa

Di ko hangad ang karangyaan

Ako'y laki sa hirap lang

Ang gusto ko'y kapiling ka

Hanggang sa aking pagtanda

Kapit lang aking sinta

Sa akin ay magtiwala ka

Kahit ako ay malayo

Nag iisa ka sa puso ko

Aking sinta mangako ka

Sa puso mo'y walang iba

Pagkat sobrang mahal kita

Ako'y sa'yo, at akin ka

Pakiusap ko sa iyo

Sarili mo'y alagaan mo

Ako sayo'y maghihintay

Pagkat mahal kitang tunay