Bakit ba ganyan
Ang buhay ng tao
Mayro'ng mayaman
May api sa mundo
Kapalaran kung hanapin
'Di matagpuan
At kung minsa'y lumalapit
Nang 'di mo alam
O bakit kaya
May ligaya't lumbay
Sa pag ibig
May bigo't tagumpay
'Di malaman 'di maisip
Kung anong kapalaran
Sa akin ay naghihintay.
Huwag damdamin ang kasawian
May bukas pa sa iyong buhay
Sisikat din ang iyong araw
Ang landas mo ay mag iilaw
Sa daigdig ang buhay ay ganyan
Mayroong ligaya at lumbay
Maghintay at may nakalaang bukas
May bukas pa sa iyong buhay
Tutulungan ka ng Diyos na may lalang
Ang iyong pagdaramdam
Idalangin mo sa Maykapal
Na sa puso mo ay mawala nang lubusan.
Nang madama ang ligaya sa gabi't araw
Nalimot mong ang lahat
ay mayro'ng hangganan
Ngunit ngayon
Naramdaman ang kalungkutan
Ay noon mo naalala ang Maykapal
Ang tao'y marupok, kay daling lumimot
Sa Diyos na ang lahat Siya ang nagdulot
Sa Diyos na ang lahat
Siya ang nagdulot...
