Srangenge ngitungan poe

Nganter lampah geusan jaga

Jaga nu jadi harepan

Mapay lampah kahirupan

Salapan lengkah disorang

Moal peunggas pangharepan

Sanajan srangenge lungse

Bulan pinasti nembongan

Gapura geus mawa beja

Malati asih ka diri

Bagea kasampurnaan

Julang ngapak mapay mega

Gapura geus mawa beja

Malati asih ka diri

Bagea kasampurnaan

Julang ngapak mapay mega

Mapay jalan muru cai

Ngadangding nyaring ti peuting

Ngebrak cawang narawangan

Sumujud lemah amparan

Gunung nungkulkeun halimun

Ngiuhan panasna poe

Bagea angin nu tingtrim

Rasa nengetkeun kartana

Bagea angin nu tingtrim

Ngiri nyandingkeun wawangi