Kan Zoramah Lal Krista kraws,

Sualna hnuaia lo tlu tawh hnu;

Tungding leh tura dotu zawngte’n,

Huai leh chhel takin tawn zel r’u.

Kan Zoram thisen au thawm chuan,

“Min hmangaihtu khaw’nge a ti;

Chhantu baihvai aw kan zoram,

Ka lainatin ka hmangaih che.

Zoram hi krista tan tia,

Lalpa hnena i hlan tawh kha;

Lalpaa Pathian dang thlengtu,

Lungngaihnate a lo pung ang.

Hmelma sual ral lian lo pungin,

Chun leh zua laina thlemna nen;

Phatsantu thawm thang vel mah se,

Hnehna chu Lalpa ta a ni.

Ngai teh, kawnga veng zel tur leh,

Ram buatsaiha hruai lut turin;

“Ka vantirhkoh ka tir dawn e

Thlamuantu Lal aw chuan a ti.

Tuipuisen chunga thuneitu,

Babulon saltang hruai chhuakin,

Aw Lal Jeho, nangmah ringin,

Kan do zel dawn, kan Zoram tan.