കരിമഷി കണ്ണൊന്നെഴുതാന്‍

പുഴ കണ്ണാടിയായ് നോക്കി

കൊലുസുകൾ കൊഞ്ചിച്ചണിയാൻ

നല്ല മുത്താരവും തേടീ

പൂവനിയിൽ മേയും പൊന്മകളേ

നിൻ പൊന്നിതളായ് ഞാനും

കൂമ്പാളകുമ്പിളിലെ തേൻ തായോ

തൂവാനതുമ്പികളേ നീ വായോ

ദൂരെ വിണ്ണോരം തിങ്കൾപൊലിയാറായ്

എന്നുള്ളിൽ കുളിരാർന്നൊരു

മോഹം വിരിയാറായ്

കാട്ടുകുന്നിലെ തെങ്ങിലെ

തേൻകരിക്കിലെ തുള്ളിപോൽ

തുള്ളാതെടി തുളുമ്പാതെടി തമ്പുരാട്ടി

കൊഞ്ചാതെടി കുണുങ്ങാതെടി

കുറുമ്പുകാരി..

നെഞ്ചിലൊരു കുഞ്ഞിളം

തുമ്പി എന്തോ തുള്ളുന്നൂ

ചെല്ല ചെറു ചിങ്കിരിപ്പൂവായ്

താളം തുള്ളുന്നു

ആറ്റിറമ്പിലെ കൊമ്പിലെ

തത്തമ്മേ കളി തത്തമ്മേ

ഇല്ലാക്കഥ ചൊല്ലാതെടി ഓലവാലി

വേണ്ടാത്തതു മിണ്ടാതെടി കൂട്ടുകാരി