آه، آه
رصيد الستر عندك خلّص
خلاص السر أهو بيفوح
وكذبك بان وبقى مفضوح
وفرصة سعيدة يلا وروح
صغرت في عيني حُبك نِقّص
ولّبست اللي بينا الكفن
ويالا تعيش بقى وتفتكر
هبيعك حتى من غير ثمن
ولو كان لسه فيك إحساس
هتندم ع اللي ضيعته
ولما تشوف قساوة الناس
تقول على حبي يا خسارته
ده كان في إيديّ كنز كبير
يا ريتني مشيت معاه بضمير
يا ريتني ما كنت دمرته
يا ريتني ما كنت أنا خسرته
وشوف لك حد يشبه لك
يكون زيك قليل الأصل
مريض زيك ومالهوش مصل
ويحصل فيك نفس الفصل
وأنا وعد إني لا افتكرك
ولا بالخير ولا بالشر
ولا لصوت الحنين أتجر
وعندي هتبقى وقت ومَرّ
ولو لسه كان فيك إحساس
هتندم ع اللي ضيعته
ولما تشوف قساوة الناس
تقول على حبي يا خسارته
ده كان في إيديّ كنز كبير
يا ريتني مشيت معاه بضمير
يا ريتني ما كنت دمرته
يا ريتني ما كنت أنا خسرته
آه ليلي، ليلي يا ليلي
ليلي، ليلي يا ليلي
عيني ليلي يا ليلي
ليلي، ليلي، ليلي، ليلي
يا ليلي، ليلي، ليلي يا ليلي
عيني ليلي يا ليلي
ليلي، ليلي، ليلي
ولو كان لسه فيك إحساس
هتندم ع اللي ضيعته
ولما تشوف قساوة الناس
تقول على حبي يا خسارته
ده كان في إيديّ كنز كبير
يا ريتني مشيت معاه بضمير
يا ريتني ما كنت دمرته
يا ريتني ما كنت أنا خسرته
