--SOLO 1

Teto izahay no nanao ny fanekena

Vita tamin’ny fo madio fa sanatria tsy nisy noterena

Teto izahay

--DUO :

no nanomboka nizara fitiavana

Tsy maty akory ireny fa nipetraka ho tantara

--SOLO 2

Teto ihany koa no nanaovanay ny voady

Velirano, visavisa ny hoavy fa hiaraka hitady

Teto daholo

-- DUO

ny rehetra no nitranga

N’inona hidona na zavatra hihatra

Dia ny hitovy saranga

-- REF :

Folaky ny haizina ve ka hangina

Rahampitso indray aho miandry fitsikina

Ny ho kivy sanatria

f’izany ihany ny fiainana ety

... feon-kira ...

--SOLO 2

Fa teto koa no niaretanay ny mafy

Nisotroanay ny mangidy sy ny mamy

Ary tsy mantsy mihafy

Teto izahay

-- DUO

vao niandoha tsy nanana

Fa samy niady mafy

mba hisy zava-tsoa

am-pelantanana

--SOLO 1

Mbola eto anefa no hitoeranay hatrany

Mandra-piandry izay lahatra fiantsoana

Ka handaozanay ny tany

Mbola eto koa

-- DUO

no hamelomanay indray fitia vaovao

Ary farany aza angamba eto no hilevenanay

-- REF :

Folaky ny haizina ve ka hangina

Rahampitso indray aho miandry fitsikina

Ny ho kivy sanatria

f’izany ihany ny fiainana ety

Folaky ny haizina ve ka hangina

Rahampitso indray aho miandry fitsikina

Ny ho kivy sanatria

f’izany ihany ny fiainana ety

--- famaranana ---