نەجمەدین غولامی

نامەکانت

حاڵی من خاسە بەقوربان

نامەکانت ها لەکوێ

چاوەڕێتم وەک هەمیشە

قەولەکانت ها لەکوێ

پێکەنینت وەک شەماڵە

باخی دڵ ئاوا نەکا

ئەم بەهارە چۆن نەهاتی

لێوەکانت ها لەکوێ

حاڵی من تافی دەزانێ

وا خەریکە وشک ئەوێ

پەنجەکانم وێڵن ئەمشەو

زوڵفەکانت ها لەکوێ

سەت چلەم کێشا لەبۆ تۆ

ئەی هەناسەی ئاخەرم

ڕوحی من هێزی نەماگە

دەستەکانت ها لەکوێ

خۆت وتت هەر چاوەڕێمی

تا لەغوربەت دێمەوە

من خەریکم دێم عەزیزم

چاوەکانت ها لەکوێ

من گلە ناکەم لەتۆ ئەی

هاونیشینی وێنەکەم

چۆن دڵت دێ لێم نەپرسی

شیعرەکانت ها لەکوێ

پێشکەشتان