كريمة : ما قلتلكش
عبد المنعم : ايه ؟!
كريمة : احلام
عبد المنعم : ايوة
كريمة : وجوزها
عبد المنعم : ايوة
كريمة : وحماها وحماتها جايين يتغدوا عندنا يوم الجمعة
عبد المنعم : اه .. انتي اللي لازم عزمتيهم
كريمة :الله ومالك اتخضيت ليه انا عندي كام زغلوله عالسطوح هدبحهم
عبد المنعم : وهما الكام زغلوله بتوعك دول هيكفوا سي مصطفى علوان؟!
فين علبة السجاير دة عاوزله خمسين بقرة لوحده اه
كريمة : اهى علبة السجاير
كريمة : خلاص تدبر هاتلنا بس دكر بط نحطوا في نص السفرة
عبد المنعم : بسيطة
كريمة : وشوية بفتيك
عبد المنعم : وايه لازمة البفتيك ؟ ما كفاية الحمام والبط
كريمة : يا راجل
عبد المنعم : اه
كريمة : عشان خاطر بنتك دي اول مره ييجوا يتغدوا فى البيت
عايزهم هيقولوا علينا ايه بس
عبد المنعم : وهو البفتيك اللى هيخليهم ميقلوش حاجة
حاضر امرى لله مفيش حاجة تانى
كريمة : لا
عبد المنعم : الحمد لله
كريمة : انا بقي هبقي اعمل صينية رقاق
عبد المنعم : ايوة
كريمة : ودقية ورق عنب
عبد المنعم : اه .. ودول بقى مش عايزين يحلوا ؟
كريمة : اتنين كيلو موز
عبد المنعم : اه
كريمة : على اتنين كيلو برتقال
عبد المنعم : اه اتنين كيلو موز .. اتنين كيلو برتقال
اتنين كيلو ورق عنب وصنية حمام وصينية بط
والبوفتيك لازم البفتيك عشان محدش يقول حاجة
انتي عاملة حفلة ؟
كريمة : مأنا هقول لنبيلة وجوزها كمان بالمرة ييجوا
عبد المنعم : اه فكرة ..فكرة ان شاء الله ما حد اتعزم ولا حد طفح هجيب دا كله منين
