फिरत्या चाकावरती देसी मातीला आकार

विठ्ठला, तू वेडा कुंभार 2

माती पाणी, उजेड वारा,

तूच मिसळसी सर्व पसारा 2

आभाळच मग ये आकारा

तुझ्या घटांच्या उतरंडीला नसे अंत ना पार

तू वेडा कुंभार

विठ्ठला, तू वेडा कुंभार

घटा घटांचे रुप आगळे,

प्रत्येकाचे दैव वेगळे 2

तुझ्याविणा ते कोणा न कळे

मुखी कुणाच्या पडते लोणी, कुणा मुखी अंगार

तू वेडा कुंभार

विठ्ठला, तू वेडा कुंभार

तूच घडविसी, तूच फोडीसी,

कुरवाळीसी तू तूच ताडीसी 2

न कळे यातून काय जोडीसी

देसी डोळे परी निर्मिसी तयापुढे अंधार

तू वेडा कुंभार

विठ्ठला, तू वेडा कुंभार

िरत्या चाकावरती देसी मातीला आकार

विठ्ठला, तू वेडा कुंभार 2

धन्यवाद मित्रानो