لو امي كالت ابني شو مابين
كلولها جوه التراب تعين
لو امي كالت ابني شو مابين
كلولها جوه التراب تعين
اتمنى ارجع بس اشمها
يدفنون بيه وبالي يمها
طشروا راسي وماصحت أأأخ
كولولها.............ترفع خشمها
شلال من طحت شحلاتي
ليخرمشن خدهن خواتي
بجناحهن شالن غطى اللوح
حسبالهن حنطه الفخاتي
انا الشهيد الطاح لاجل التغيير
سوولي ياعالم كبر بالتحرير
انا الشهيد الطاح لاجل التغيير
سوولي ياعالم كبر بالتحرير
انا البريء الماخذ احلامي وياي
زغير ولا كلفت المغيسل ماي
شكد عندي وي غاز القنابل تذكار
كبل المسيل امبجي عيني الايجار
ما لحكت البس حلقتي
قناصهم خرب كشختي
جيبولي قاط وغرفة اخشاب
ليش اللحد صاير غرفتي
تمنيت كبري يصير جامه
مشتاك لاصحابي النشامه
كولولهم صاحبكم يكووول
يكووول ماارجعلهم بالسلامه
شبسرعه خلص عمري ماعشت هواي
زغير ولا كلفت المغيسل ماي
شبسرعه خلص عمري ماعشت هواي
زغير ولا كلفت المغيسل ماي
