يا كبر شوقي وأنا ولهان انتظرك

وياكثر ما تلعب بقلبي وتطول غيابي

واذا تبي تجس نبضي والله ما أعذرك

ولا أقدر اقول منك خاطري طابي

تعال واحضن غلاي وشوف وش قدرك

غرامك أصلا يساوي كلي وما بي

تعال واحضن عسى يمسك معي عطرك

ابيه لي يكون ذكرى حلوة على ثيابي.

((ترا أحبك وأودك حيل من صغرك))

تكبر وحبك بالحنايا باقي ً رابي

((وان كان غيري يقول ان صدتك أبرك ))

أقول أبرك أموت وانت تحيا بي

تدري مكانك ماتغير باقي على خبرك

حبك حفظته ف عيوني و بين أهدابي

طال انتظاري ياحبيبي متوسدن جمرك

وأقول برد وسلام وتحرق أعصابي

شلون ترضى وتكابر هذا وأنا أنتظرك

دفنت شوقي حرام تطول غيابي

عاهدني نبقى لبعضنا قلبي فدا عمرك

وعهدٍ عليَّ احفظ غلاك وانسى عتابي

((ترا أحبك وأودك حيل من صغرك))

تكبر وحبك بالحنايا باقي ًرابي

((وان كان غيري يقول ان صدتك أبرك ))

أقول أبرك أموت وانت تحيا بي