يا دايرة كل يوم تصغر يا دنيا قاسية بتغير
أنا اللي فهمت متأخر أنا غلطان
غريبة الدنيا وعجيبة أنا بتجازى عالطيبة
كان خلاص بقيت عيبة تكون إنسان
يبان وجعي وأنا بحكي في مواويلي
ودمعة حزينة بتونسني طول ليلي
وبسأل روحي ليه مكمل وإيه باقيلي
وقلبي يروح لناس مشيت وجرحوني
خسرت الدنيا علشانهم وخسروني
فاكرهم بس مش عارف ليه نسيوني
اديني لسة بتعلم ف ناس بخسرها بتقدم
وناس بكسبها بتندم وكله نصيب
حكاية ووقتها بيخلص وغالي ليه ف عيني بيرخص
حبايب كل يوم تنقص تروح وتغيب
يبان وجعي وأنا بحكي في مواويلي
ودمعة حزينة بتونسني طول ليلي
وبسأل روحي ليه مكمل وإيه باقيلي
وقلبي يروح لناس مشيت وجرحوني
خسرت الدنيا علشانهم وخسروني
فاكرهم بس مش عارف ليه نسيوني
