كلمات: عمرو حسن
ألحان: د.مصطفى العسال
arranged architecTalal81
أنا ابويا واحشني جدًا
محتاج رأيه في حاجات
أهمل في سؤاله عنّي
وماجاش من يوم ما مات
نضارته وساعته لسه
عالرف مكان ما سابهم
وهدومه جوا كيسهم
وجداد من يوم ما جابهم
أنا ابويا واحشني جدًا
محتاج رأيه في حاجات
أهمل في سؤاله عنّي
وماجاش من يوم ما مات
نضارته وساعته لسه
عالرف مكان ما سابهم
وهدومه جوا كيسهم
وجداد من يوم ما جابهم
نفسي اتكلم معاه
واحكيله عاللي تم
وهقوله مين في مرضه زاره ونقله دم
وهقوله إنّي آسف
علشان خبّيت عليه
واحلفله بإني نِفسي لو يوم ألمِس إيديه
واعمله شاي خفيف
واقسم ويّاه رغيف
كان حضنه جامعنا لمّا
كان صوته فيه ونس
وكتير بقعد معاه
واشكي له مـــن الحياة
أنا عارف إنّه سامع
مُـتَـأكّد إنّــه حسّ
ماهو برضه الموت لا يمكن
يقتل في الناس شعورها
وما فيش في الدنيا
شجرة تقطعها من جذورها
ومافيش في الدنيا راحل
إلا وسايب وراه
واحد من صلبه شبهه
يدعيله في الصلاه
انا ابويا واحشني جدا
واحشاني معاه حاجات
بطلت اعملها وحدي
من ساعة لمّا مات
انا ابويا واحشني جدا
واحشاني معاه حاجات
بطلت اعملها وحدي
من ساعة لما مـــــات
architecTalal81 :(
...الله يرحم أبوكم دنيا وآخرة
