كمنونا وبرشمونا
لأجل يعرفو يخبطونا
فوق يا صاحبي يغفلونا
شفت غدرهم في عينهم
إصطباحة مش طالبة حاجة
غير غتاتة وغير برادة
حاطط أعصابي في تلاجة
عشان أعامل ناس شبهكو
عشت سالك قطموني
عشت قاسي جم عيطولي
حظر عام من تليفوني
كله فستك مش عايزكو
طلقة في القلب الغلوبة
مش بتنفع المحبة
حولوني حبة حبة
ده الجدع فيكو بيتساق
سهلة خالص أنا أحب أغامر
بس لما ألقى في راجل
كله شايل كله حامل
حللو تحليل نفاق
مبدأ الملياسي شادد
والعويل صارف وعادد
بالأونطة قال زميلي
جاي معايا لقاني سادد
إسمي علم ع الجبابرة
أصلي دهب عملة نادرة
وإنت فشتك صنع لميا
إجري حط بسرعة قطرة
هاتلي حد جدع يا خالو
مين بيصرف إللي قاله
كله بيطاوع خياله
وأنا هطاوع عقلي
لو هترجم مش هميز
كله في البدايات كويس
في النهاية قيس وكيس
كله تحت رجلي
مثلو الحب في عينهم
قلبي دق وحس بيهم
جسيت الغدر في سلامهم
روحت وقتي دايس عليهم
هيا بينا السحب جاري
والحظوظ يابا إختياري
عرض خاص على صحبة ناقصة
خد واحد والتاني إجباري
إوعى تتخم في هدوئي
لأجل شاف أدبي وذوقي
جت معاه برفاعي الدسوقي
وهو أجدع منتن
عادي خالص إتخم فيا
وإتفاجئ بالجولة ديا
إنت يابا حتة طرية
ياما خد في الجركن
كمنونا وبرشمونا
لأجل يعرفو يخبطونا
فوق يا صاحبي يغفلونا
شفت غدرهم في عينهم
ثورنا فيهم قمنا بيهم
كل كيفنا طلع عليهم
إحنا برجولة بنماشيهم
وهما ذكائهم خانهم
وهما ذكائهم خانهم
مش بعيشها أنا سلمي خالص
من يومي وأنا واد مشاكس
دي العيون بتشوفكو عاكس
عمك أنا ما أضربش فاكس
في الكلام تجار بريمو
في الواقع دودي وميمو
التاريخ يلا كله عندي
كاشحك أنا برضه على قديمه
إنتي جاية في صيت وغنا
بس أنا مش جاي في زينة
مش هقفش في العجينة
بت بلدي مطيعة
ماشي مع هتية حارتهم
فوق يا هلهولت جيهتهم
أيوة لاجئ تحت بيتهم
كله ع الطبيعة
فاهمك أنا ما تحوريش
حب مين ما بحبكيش
إنتي عاشقة إللي يحورلك
قلبك إنتي ده قش وخيش
مش كوين ولا سنيوريتا
قلبك إنتي قلب خريطة
إوعي تذكري إسمي تاني
آخرك إنتي بتيجي في الزيطة
المصالح جمعتنا
والحريم يابا فرقتنا
إنتو نسوانكو عازتنا
وإحنا إستعيبنا نغدر
نكرفهم ننطرهم
سبقو وقالو بنخنوهم
يا اللي خبتو صدقهم
مش في بالنا إيه يحصل
حمو الطيخا أفيونته
صاحبي قاسي شادد زينته
فارس سكر نجم جيله
كلها غنت تراكاته
قط كرموز كرموزيشن
والناسف ناسف اللوكيشن
هوندا وأحمد طيخا إدارات
والجمل لعب بيكو بلاي ستيشن
